O proxecto PALCOS conta cun equipo de traballo composto por investigadoras e investigadores de diversas institucións nacionais e internacionais.
O grupo motor constitúeo un conxunto de antropólogas e arqueólogas do Instituto de Ciencias do Patrimonio (INCIPIT, CSIC) con ampla experiencia no estudo dos procesos de patrimonialización, a arqueoloxía do mundo contemporáneo e a arqueoloxía da paisaxe. Este grupo está liderado por Iñigo Sánchez-Fuarros (IP do proxecto) e inclúe a Cristina Sánchez-Carretero, Laura Muñoz Encinar, Candela Morado, Cristina Incio del Río, Víctor del Arco, Fátima Rodríguez Porto e Paula Sánchez Carrera.
Ademais, o equipo conta tamén coa participación da antropóloga Lee Douglas (Goldsmith, University of London), o arquitecto Pablo Arboleda (CCHS, CSIC), a artista sonora Matilde Meireles (University of Oxford), o geógrafo Daniel Paiva (Universidade de Lisboa), o fotógrafo Luis Díaz Díaz e o filólogo Zósimo López Pena (Universidad de Santiago de Compostela).
PALCOS tamén aspira a tecer unha rede de alianzas e colaboracións con axentes, institucións e colectivos implicados na dinamización do territorio, na súa vida asociativa e comunitaria e na dinamización das festas populares en Galicia.
As nosas aliadas nesta primeira fase do proxecto son A Gentalha do Pichel (A Coruña), a Asociación Galega de Antropoloxía (AGANTRO), a Rede Museística de Lugo, a Asociación Cultural Algarabia, a Rede do Patrimonio Cultural, e o festival Agrocuir, entre outras.
Se queres colaborar, ponte en contacto connosco.
Para axudarnos co deseño e a posta en marcha da dimensión participativa do proxecto contamos coa colaboración da cooperativa Rexenerando. A plataforma participa.palcos.gal (ainda en construcción) é obra de Montera34 e Nadina Gráfica realizou o deseño da nossa identidade visual.